Doktorantlar elmi-tədqiqatların konseptual problemləri barədə məlumatlandırılıb
Bakı, 1 noyabr, AZƏRTAC
Təhsil İnstitutunda doktorant və gənc tədqiqatçılar üçün növbəti elmi seminar keçirilib.
İnstitutdan AZƏRTAC-a bildirilib ki, seminarda Elmi-pedaqoji tədqiqatlar mərkəzinin Təhsilin nəzəriyyəsi və tarixi şöbəsinin müdiri pedaqogika üzrə elmlər doktoru, professor İntiqam Cəbrayılov “Tədqiqatın konsepsiyasının müəyyənləşdirilməsi” mövzusunda məruzə edib. O, müasir dövrdə elmi-tədqiqatlara verilən tələbləri, elmi-tədqiqatların aparılması texnologiyalarını, problem baxımından mövcud təcrübənin öyrənilməsini, müvafiq metodikanın hazırlanması və tətbiqini, dissertasiyanın struktur və məzmun məsələlərini şərh edib. Həmçinin elmi-tədqiqatların konseptual problemlərinin həlli istiqamətlərinə aydınlıq gətirilib.
Təqdimatdan sonra İntiqam Cəbrayılov doktorant və gənc tədqiqatçıların suallarını cavablandırıb.
Bölmənin digər xəbərləri
