DÖRD YAŞLI UŞAĞI XİLAS ETMƏK MÜMKÜN OLMUŞDUR
Avqustun 31-də Bəşir Səfəroğlu küçəsindəki ikimərtəbəli ev uçmuş, dörd yaşlı Hümmət Abbasov uçqunların altında qalmışdı.
Yasamal rayonu polis və prokurorluq əməkdaşlarının, habelə yanğınsöndürənlərin təcili tədbirləri nəticəsində uşağı xilas etmək mümkün olmuşdur. Hadisə yerinə gələn təcili yardım həkimləri Hümmət Abbasova ilkin tibbi yardım göstərmişlər. Yasamal rayonu polis idarəsindən AZƏRTAC-a bildirmişlər ki, evin uçmasına səbəb qonşuluqda ucaldılacaq çoxmərtəbəli yaşayış binasının bünövrəsinin qoyulması ilə əlaqədar aprılan işlər olmuşdur.
Sahəsi 175 kvadratmert olan ikimərtəbəli binada dörd ailə yaşayırdı.
Hazırda binanın yeri dağıntılardan təmizlənir. Rayon prokurorluğu hadisə ilə bağlı cinayət işi qaldırmışdır. Fakt üzrə istintaq aparılır.
Bölmənin digər xəbərləri
