DÖVLƏT DƏMİR YOLUNUN TƏSƏRRÜFATLARINA PAYIZ BAXIŞI KEÇİRİLİR
Azərbaycan Dövlət Dəmir Yolunun (DDY) mətbuat xidmətindən AZƏRTAC-a daxil olan məlumata görə, DDY-nin təsərrüfatlarına payız baxışı keçirmək üçün yaradılan komissiya noyabrın 7-dən fəaliyyətə başlamışdır. Dəmir yolunun baş mühəndisi Qurban Nəzirovun rəhbərlik etdiyi qrup Böyükkəsik stansiyasında işləri yekunlaşdırıb digər sahələrə baş çəkəcəkdir. On gün ərzində qurumun bütün təsərrüfatlarında, eləcə də, polad magistrallardakı mövcud vəziyyət öyrəniləcək, nöqsan və çatışmazlıqları aradan qaldırmaq üçün təkliflər hazırlanacaqdır.
Bölmənin digər xəbərləri
