DÖVLƏT GƏNCLƏR TEATRI MÖVSÜMÜ “SARA XATUN” TAMAŞASI İLƏ BAĞLAMIŞDIR
AZƏRTAC xəbər verir ki, Dövlət Gənclər Teatrı özünün 20-ci mövsümünü iyulun 11-də Nizami Saraclının “Sara Xatun” əsəri əsasında rejissor, əməkdar incəsənət xadimi Rəhman Əlizadənin quruluşunda eyni adlı tamaşası ilə bağlamışdır.
Ağqoyunlu hökmdarı Uzun Həsənin anası, xalqımızın ilk diplomat qadını Sara Xatun obrazının Azərbaycan səhnəsində birinci dəfədir ki, canlandırıldığı yeni səhnə əsərində həmin rolda əməkdar artist Qəmər Məmmədova cıxış etmişdir.
“Azərsun holdinq” Mədəniyyət Mərkəzinin səhnəsində oynanılan tamaşada Sara Xatunun həyat və diplomatik fəaliyyətindən bəhs edilən məqamlar, onun Ağqoyunluların dövlət müstəqilliyinin saxlanılmasında Osmanlı sultanı II Mehmetlə bağladığı Yassıçəmən müqaviləsinin əhəmiyyəti diqqətə daha qabarıq çatdırılır.
Tamaşada əsas rollarda teatrın aparıcı aktyorları əməkdar artist Ayşad Məmmədova, Ədalət Əbdülsəmədov, Rəşad Səfərov, Qədirhüseyn İsmayılov və başqaları çıxış etmişlər.
Teatrsevərlər tərəfindən maraqla qarşılanan səhnə əsərinin rəssamı Vüqar Əlidir.
Bölmənin digər xəbərləri
