İQTİSADİYYAT
DÖVLƏT GÖMRÜK KOMİTƏSİ MƏTBUAT XİDMƏTİNİN MƏLUMATI
May ayının 22-24-də Bakı şəhərində MDB-nin iştirakçısı olan dövlətlərin Gömrük Xidmətləri Rəhbərləri Şurasının 35-ci iclası keçiriləcəkdir. Bununla əlaqədar “Crescent Beach” otelində mayın 22-23-də ekspertlərin, 24-də isə Gömrük Xidmətləri Rəhbərləri Şurasının iclası nəzərdə tutulmuşdur.
Iclasda Müstəqil Dövlətlər Birliyinin iştirakçısı olan dövlətlər arasında avtonəqliyyat vasitələri və malların hərəkətləri zamanı “Müvəqqəti idxal (ixrac)” gömrük rejiminin istifadə edilməsinə eyni cür yanaşma, MDB-nin iştirakçısı olan dövlətlərin sərhədlərində vətəndaşlar tərəfindən keçirilən mallara dair gömrük nəzarətinin və sənədləşdirilmənin sadələşdirilməsi, avtonəqliyyat buraxılış postlarında MDB-nin iştirakçısı olan dövlətlərin gömrük orqanları tərəfindən yük-müşayiət sənədlərinin nəzarət siyahısının istifadəsi, MDB-nin iştirakçısı olan dövlətlərin gömrük xidmətlərinin şəxsi təhlükəsizliyinin təmin edilməsi sahəsində əməkdaşlıq və iş birliyi protokolu layihəsinin hazırlanması, təyinat ölkəsi prinsipi üzrə vasitəli vergilərin tam tutulması məqsədi ilə MDB-nin iştirakçısı olan ölkələrin gömrük sərhədlərindən malların keçirilməsinə nəzarət üçün bu dövlətlərin gömrük xidmətlərinin birgə fəaliyyəti haqqında məsələlər müzakirə ediləcəkdir.