DÖVLƏT GÖMRÜK KOMİTƏSİ MƏTBUAT XİDMƏTİNİN MƏLUMATI
Azərbaycan vətəndaşı Fərəcov İlham Qafar oğlunun idarə etdiyi, Masallı şəhərində yerləşən “Nahid” firmasının ünvanına İrandan sement gətirən “Kraz” markalı Az 10 GK 532 dövlət nömrə nişanlı yük maşınına Astara gömrükxanasında gömrük nəzarəti zamanı maşının kuzovunda və qoşqusunda olan yükün çəkisi şübhə doğurduğu üçün İranda vurulmuş gömrük təminatı plombları açılmış və yükə gömrük baxışı keçirilmişdir. Gömrük baxışı zamanı yük maşının kuzovunun içərisindən gizli şəkildə ölkə ərazisinə keçirilməyə cəhd göstərilən 2280 litr benzin, 320 kiloqram “QU” adlı yağ aşkar edilmişdir.
Azərbaycan vətəndaşı Xələfov Gülbaba Mövlud oğlu idarə etdiyi “İkarus” markalı, 10 HJ 322 dövlət nömrə nişanlı avtobusla İrandan Azərbaycana sərnişin gətirərkən Astara gömrükxanasında gömrük nəzarəti zamanı aksiz markası və İİR-dən gətirilməsi üçün xüsusi razılıq (lisenziya) olmayan 7200 qutu “PİNE” siqareti aşkar olunmuşdur.
Bütün faktlar üzrə tədqiqat aparılır.
Bölmənin digər xəbərləri
