DÖVLƏT GÖMRÜK KOMİTƏSİ MƏTBUAT XİDMƏTİNİN MƏLUMATI

27.09.2002 [11:00]
Çap et
A⁺ A^-

Hava Nəqliyyatında Baş Gömrük İdarəsinin əməkdaşları tərəfindən külli miqdarda valyuta sərvətinin ölkə ərazisindən gizli surətdə çıxarılmasının qarşısı alınmışdır.

Hava Nəqliyyatında Baş Gömrük İdarəsinin əməkdaşları tərəfindən sentyabrın 26-da 015 saylı Bakı-Dubay aviareysi zamanı sərnişinlər - Kamerun vətəndaşı Keubou Ketçou Kristof Herman və onunla birgə uçan Nigeriya vətəndaşı Onyebuçi Con Nqonadinin baqajına şübhə doğurduğu üçün gömrük baxışı həyata keçirilmişdir. Yoxlama zamanı onlara məxsus “Samsunq” markalı musiqi mərkəzinin içərisinə yerləşdirilmiş, bəyannamədə göstərilməyən və gömrük nəzarətindən gizlədilmiş 113.300 ABŞ dolları aşkar edilmişdir.

Faktla bağlı Dövlət Gömrük Komitəsinin istintaq idarəsində araşdırma aparılır.