Dövlət Məşğulluq Agentliyi BDU tələbələri üçün infosessiya keçirib
Bakı, 17 oktyabr, AZƏRTAC
Bakı Dövlət Universitetinin (BDU) Karyera və məzunlarla əlaqə sektorunun və Dövlət Məşğulluq Agentliyinin (DMA) Mərkəzi karyera filialının birgə təşkilatçılığı ilə tələbələr üçün infosessiya keçirilib.
Bu barədə AZƏRTAC-a BDU-dan məlumat verilib.
İnfosessiyanın keçirilməsində məqsəd tələbələri karyera quruculuğu, əmək bazarının tələbləri ilə tanış etmək, onları bu istiqamətdə maarifləndirməkdir.
DMA-nın Mərkəzi karyera filialının əməkdaşı, karyera məsləhətçisi Mikayıl Tağıyev tələbələri müsahibədə iştirak üsulları, CV və istək məktubunun hazırlanması qaydaları, iş axtarışı, əmək bazarının araşdırılması, karyera planlaması, texniki bacarıqlara yiyələnmək yolları, könüllülük proqramlarına qoşulmaq və başqa mövzular haqqında məlumatlandırıb.
Sonra tələbələrin sualları cavablandırılıb.
Bölmənin digər xəbərləri
