Dövlət Məşğulluq Agentliyində Sahibkar Qadınlar İB-nin nümayəndələri ilə görüş keçirilib
Bakı, 28 oktyabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyində Sahibkar Qadınlar İctimai Birliyinin nümayəndələri ilə görüş keçirilib.
Agentlikdən AZƏRTAC-a bildirilib ki, birgə əməkdaşlığın daha sıx qurulmasında birliyin rolunun gücləndirilməsi və bu sahədə görüləcək işləri müzakirə etmək məqsədilə keçirilən görüşdə Dövlət Məşğulluq Agentliyinin İdarə Heyətinin sədri Mustafa Abbasbəyli, Sahibkar Qadınlar İctimai Birliyinin sədri Zenfira Ağayeva və digər nümayəndələr iştirak ediblər.
Görüşdə agentliyin fəaliyyət istiqamətləri, həyata keçirilən islahatlar və aktiv layihələr barədə məlumat verilib. Sosial iş yerlərində əməkhaqqının birgə maliyyələşdirilməsi, məqsədli proqramlar, peşə hazırlığı və peşəyönümü məsləhəti, özünüməşğulluq proqramı barədə müzakirələr aparılıb.
Həmçinin İctimai Birlik tərəfindən qadın sahibkarlar arasında özünüməşğulluğun inkişafı üçün texniki yardımın göstərilməsi, ailə sahibkarlığı mövzuları ətrafında fikir mübadiləsi aparılıb.
Bölmənin digər xəbərləri
