DÖVLƏT MÜSTƏQİLLİYİNƏ HƏSR EDİLMİŞDİR
Azərbaycan Müəllimlər İnstitutunun Gəncə filialında Dövlət Müstəqilliyi gününə həsr olunmuş elmi-praktik konfrans keçirilmişdir. Konfrans iştirakçıları əvvəlcə filialın həyətində ucaldılmış ümummilli liderimiz, müstəqil Azərbaycan dövlətinin qurucusu və memarı Heydər Əliyevin büstü önünə tər çiçək dəstələri qoymuş və ulu öndərin xatirəsini ehtiramla yad etmişlər. Sonra konfrans akt zalında öz işini davam etdirmişdir. Filialın direktoru, fizika-riyaziyyat elmləri doktoru, professor Ramiz Məmmədovun, dosentlərdən Nəzmiyyə Axundova və Gültəkin Verdiyevanın müxtəlif mövzularda məruzələri dinlənilmişdir. Məruzələrdə 1991-ci ilin 18 oktyabrından sonra ölkəmizdəki siyasi-iqtisadi vəziyyət ətraflı təhlil edilmiş, müstəqilliyimizin əbədi və daimi olmasında ulu öndərimiz Heydər Əliyevin misilsiz xidmətləri faktlarla yada salınmışdır. Qeyd olunmuşdur ki, Azərbaycanın dünya miqyasında tanınması, qlobal iqtisadi layihələrin həyata keçirilməsi, dünya ölkələri ilə inteqrasiya olunması bu dahi şəxsiyyətin adı ilə bağlıdır. Sonra konfrans öz işini bölmə iclaslarında davam etdirmişdir.
Bölmənin digər xəbərləri
