DÖVLƏT NEFT AKADEMİYASINDA MƏZUN GÜNÜ KEÇİRİLMİŞDİR

05.07.2006 [22:50]
Çap et
A⁺ A^-

AZƏRTAC xəbər verir ki, iyulun 5-də Azərbaycan Dövlət Neft Akademiyasında 2005/2006-cı tədris ilinin məzunları ilə görüş olmuşdur.

ADNA-nın rektoru, AMEA-nın müxbir üzvü Siyavuş Qarayev çıxış edərək, təhsilimizin inkişafına göstərilən dövlət qayğısından danışmış, eyni zamanda, rəhbərlik etdiyi ali təhsil müəssisəsində qazanılan nailiyyətləri nəzərə çarpdırmışdır. O məlumat vermişdir ki, bu il akademiyanı 22 istiqamət üzrə 1439 gənc bitirir, onlardan 61 nəfəri fərqlənmə diplomuna layiq görülmüşdür.

Rektor gəncləri təbrik etmiş, onlara gələcək fəaliyyətlərində uğurlar arzulamışdır.

Digər natiqlər də məzunlara xoş arzularını çatdırmışlar.

Təhsildə fərqlənən məzunlara diplomlar təqdim edilmişdir.

Çıxış edən məzunlar onlara göstərilən diqqətə görə minnətdarlıqlarını bildirmişlər.