Dövlət zəmanətli borcun ÜDM-də payı açıqlanıb
Bakı, 13 fevral, AZƏRTAC
2025-ci il 1 yanvar tarixinə dövlət zəmanətli borcun məbləği (daxili və xarici borc) 10 milyard 957,4 milyon manat və ya 2024-cü il üzrə olan ÜDM-in 8,7 faizini təşkil edib.
AZƏRTAC Maliyyə Nazirliyinə istinadla xəbər verir ki, dövlət zəmanətinin 9 milyard 196,8 milyon manatı (5 milyard 409,9 milyon dollar) və ya 83,9 faizi xarici kreditlərin, 1 milyard 760,6 milyon manatı və ya 16,1 faizi isə daxili kreditlərin payına düşür.
2025-ci il 1 yanvar tarixinə dövlət zəmanətli borc portfelinin valyuta tərkibi aşağıdakı kimi olub: ABŞ dolları – 63,6 faiz, avro – 18,3 faiz, manat – 12,5 faiz, yapon yeni – 3,7 faiz, digər valyutalar – 1,9 faiz.
Dövlət zəmanətli borcun 72,2 faizi 5 ilə qədər olan müddətdə, 16,4 faizi 5 ildən 10 ilə qədər olan müddətdə, 11,4 faizi isə 10 ildən yuxarı olan müddətdə kreditorlara qaytarılmalıdır. Hesabat tarixinə dövlət zəmanətli borc portfelinin 58,2 faizini sabit, 41,8 faizini dəyişkən faiz dərəcəli borc təşkil edir.
Bölmənin digər xəbərləri
