“Dresdner Woche” qəzetində 20 Yanvar faciəsindən bəhs edən məqalə dərc olunub
Berlin, 22 yanvar, AZƏRTAC
Almaniyanın “Dresdner Woche” qəzetində 20 Yanvar faciəsindən bəhs edən “Azərbaycan Respublikasının səfirliyində görüş” başlıqlı məqalə dərc olunub.
Məqalədə qeyd edilir ki, 1990-cı il yanvarın 19-dan 20-nə keçən gecə Azərbaycanın müstəqillik hərəkatına qarşı törədilmiş zorakılıq tarixə “Qanlı Yanvar” adı ilə daxil olub. 20 Yanvar hadisələri zaman yüzlərlə şəxs həlak olub və yaralanıb. Sovet İttifaqının o zamankı dövlət başçısı Mixail Qorbaçov azərbaycanlılara qarşı işlədilmiş bu zorakılığa haqq qazandırmağa çalışıb.
Müəllif vurğulayır ki, “Qara Yanvar” müstəqil Azərbaycan Respublikasının yenidən yaranışı hesab edilə bilər, çünki Sovet rəhbərliyi, zorakılığa baxmayaraq, Azərbaycandakı azadlıq hərəkatını boğa bilmədi. Azərbaycan 1991-ci ilin oktyabrında müstəqilliyini elan etdi və keçmiş sovet respublikaları arasında ən zəngin dövlətlərdən birinə çevrildi.
Məqalədə, həmçinin 20 Yanvar hadisələrinin 26-cı ildönümü ilə əlaqədar Azərbaycan Respublikasının Almaniyadakı səfirliyində keçirilmiş anım tədbiri barədə məlumat verilir.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
