DÜNYADA ƏN BÖYÜK AVİASALON AÇILMIŞDIR
AZƏRTAC xəbər verir ki, Böyük Britaniyanın Farnboro şəhəri yaxınlığında beynəlxalq aviasalon açılmışdır. Təşkilatçılar sərginin ərazisinə və burada təmsil olunmuş şirkətlərin sayına görə onu tarixdə ən böyük aviasalon hesab edirlər.
İyulun 14-dən 20-dək davam edəcək sərgidə bir sıra iri razılaşmaların əldə olunacağı gözlənilir.
Aviasalonda 39 ölkənin şirkətləri iştirak edir. Sərgiyə 140 min biznesmenin gəlməsi gözlənilir. Onlar 1,5 minədək iştirakçının stendlərinə baxa biləcəklər.
Farnboro aviasalonu iki ildən bir keçirilir. Axırıncı dəfə aviasalon 2006-cı ildə təşkil edilmişdi. Farnboronun əsas rəqibi Fransanın Le Burje şəhərində keçirilən sərgi hesab olunur. Farnborodan fərqli olaraq, Le Burje sərgisi tək illərdə keçirilir.
Bölmənin digər xəbərləri
