Əcnəbi vətəndaşın külli miqdarda pulunu və qızıl-zinət əşyalarını oğurlayan şəxslər yaxalanıblar
Bakı, 30 mart, AZƏRTAC
Səbail Rayon Polis İdarəsinin 9-cu polis bölməsinə müraciət edən əcnəbi vətəndaş M.Ə.Rəsulzadə küçəsində kirayədə yaşadığı mənzildən 2500 manat, 500 avro və 12 min manat dəyərində qızıl-zinət əşyalarının, habelə içərisində sənədlər və 400 avro olan kiçikhəcmli seyfin oğurlandığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, müraciətlə əlaqədar dərhal müvafiq araşdırmalar aparılıb. Bu cinayət əməlini törədən şəxslər qısa müddətdə polis əməkdaşları tərəfindən müəyyən ediliblər.
Oğurluğu törətməkdə şübhəli bilinən Quba rayon sakinləri, əvvəllər məhkum olunmuş C.Abdullayev və L.Şıxəliyeva Baş Cinayət Axtarışı İdarəsinin və 9-cu polis bölməsi əməkdaşlarının birgə keçirdikləri əməliyyat-axtarış tədbirləri nəticəsində saxlanılıblar.
Faktla bağlı araşdırma aparılır.
Bölmənin digər xəbərləri
