Ədəbiyyat İnstitutu Kərkük Kültür Dərnəyi ilə əməkdaşlığa başlayır
Bakı, 14 mart, AZƏRTAC
AMEA-nın Nizami Gəncəvi adına Ədəbiyyat İnstitutu ilə Kərkük Kültür Dərnəyi arasında əməkdaşlıq müqaviləsi imzalanıb.
Bu barədə AZƏRTAC-a AMEA-dan bildirilib. Sənədi AMEA-nın prezidenti, Ədəbiyyat İnstitutunun direktoru akademik İsa Həbibbəyli və Kərkük Kültür Dərnəyinin rəhbəri Şəmsəddin Kuzəçi imzalayıblar. Müqavilənin imzalanmasında məqsəd tərəflər arasında elmi-mədəni əməkdaşlığın yaradılması və möhkəmləndirilməsi, İraq-Türkman ədəbiyyatının tədqiqi və nəşri istiqamətində birgə fəaliyyət üçün yeni imkanların yaradılması olub.
Müqavilə çərçivəsində tərəflər birgə elmi tədqiqatların aparılması, birgə elmi və praktiki tədbirlərin təşkili və nəşr işlərinin həyata keçirilməsi istiqamətində razılığa gəliblər.
Bölmənin digər xəbərləri
