Alman Texniki Əməkdaşlıq Cəmiyyəti Qazax rayonunda kənd təsərrüfatı məhsullarının istehsalını artırmaq məqsədi ilə bələdiyyə şurasına 30 ton “Elita” markalı, yüksək kondisialı buğda toxumu vermişdir.

Rayon bələdiyyə şurasından AZƏRTAC-ın müxbirinə bildirmişlər ki, buğda toxumu artıq fermerlərə paylanıb. Hava şəraiti imkan verərsə və aqrar-texniki qaydalara əməl olunarsa, fermerlər hər hektardan 60-70 sentner məhsul götürə bilərlər. Yığım vaxtı fermerlər aldıqları toxumu cüzi bir faizlə bələdiyyə şurasına qaytaracaqlar ki, bu da bələdiyyə şurasında ehtiyat toxum fondu yaradılmasına imkan verəcəkdir.