“Ekol Mühəndislik Xidmətləri” QSC-də Beynəlxalq İdarəetmə Sistemləri üzrə üçüncü tərəfin auditi keçirilmişdir
Bakı, 8 aprel (AZƏRTAC). Aprelin 8-də Azərbaycan Respublikası Dövlət Neft Şirkətinin (ARDNŞ) “Ekol Mühəndislik Xidmətləri” Qapalı Səhmdar Cəmiyyətində (QSC) Beynəlxalq İdarəetmə Sistemlərinin tələblərinin daha dərindən mənimsənilməsi və istehsalata tətbiqi üzrə üçüncü tərəfin auditi keçirilmişdir.
AZƏRTAC xəbər verir ki, toplantıda QSC-nin baş direktoru Ramil Əliyev ötən dövr ərzində Beynəlxalq İdarəetmə Sistemlərinin tələblərinə uyğun olaraq görülmüş işlər barədə qonaqlara ətraflı məlumat vermiş və bu sahədə əldə olunan uğurlardan danışmışdır. R.Əliyev qeyd etmişdir ki, bundan əvvəlki auditlər nəticəsində aşkar olunmuş uyğunsuzluqlar qısa zamanda aradan qaldırılmış və qüsurların baş verməməsi üçün qabaqlayıcı tədbirlər həyata keçirilmişdir.
TSİ-nin Azərbaycan təmsilçisi Səlim Çələbi beynəlxalq standartlar sahəsində QSC-də görülən işlərdən və əvvəlki auditlərin nəticələrindən razı qaldıqlarını vurğulayaraq keçiriləcək növbəti auditin də müsbət nəticələrlə başa çatacağına əminliyini bildirmişdir.
TSİ təmsilçilərinin üçüncü tərəf auditi aprelin 9-da keçiriləcək və QSC-nin struktur bölmələrini əhatə edəcəkdir.
Bölmənin digər xəbərləri
