“Ekol Mühəndislik Xidmətləri” QSC yanvar-mart aylarında vəzifə və öhdəliklərini layiqincə yerinə yetirmişdir
Bakı, 12 aprel (AZƏRTAC). “Ekol Mühəndislik Xidmətləri” Qapalı Səhmdar Cəmiyyətinin (QSC) torpaqların rekultivasiyası departamenti (TRD) yanvar-mart aylarında vəzifə və öhdəliklərini layiqincə yerinə yetirmişdir.
AZƏRTAC xəbər verir ki, TRD-nin kollektivi “Bakı Ağ Şəhər” layihəsi üzrə işləri təqvim planına uyğun yerinə yetirmiş, layihə ərazisinin “Yaşıl Ada” rayonu sahəsindən neft məhsulları ilə çirklənmiş torpaqların daşınması işini davam etdirmişdir. Yanvar-mart aylarında ərazidən 145 min 758 kubmetr neft məhsulları ilə çirklənmiş torpaq daşınmışdır.
Ötən üç ayda TRD əməkdaşları Azərbaycan Respublikası Dövlət Neft Şirkəti “Azneft” İstehsalat Birliyinin “BibiHeybətneft”, “Abşeronneft”, H.Z.Tağıyev adına neft-qaz çıxarma idarəsinin (NQÇİ) mədən ərazilərindəki və Qaz Emalı Zavodunun ərazisindəki yaşıllıq sahələrində mövsümi aqrotexniki və abadlıq işləri görmüşlər. “Abşeronneft” NQÇİ-nin yaşıllıq sahəsinə 600 ədəd zeytun ağacı əkilmişdir.
Bölmənin digər xəbərləri
