Ekologiya idarəsinin ekoloji ölçmə mərkəzində avtonəqliyyat vasitələrinin təkrar ekoloji müayinəsinə başlanılmışdır
Bakı, 17 sentyabr (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya idarəsinin ekoloji ölçmə mərkəzi tərəfindən şirkətin idarə və müəssisələrinin balansında nəqliyyat vasitələrindən atmosferə atılan işlənmiş qazların miqdarının normalara uyğunluğunun yoxlanılması məqsədilə təkrar ekoloji müayinələrə başlanılmışdır.
Müayinələr zamanı normalara uyğun olmayan nəqliyyat vasitələrinin yanma sistemində olan nasazlıqlar aradan qaldırıldıqdan sonra həmin nəqliyyat vasitələri təkrar yoxlamalara cəlb olunurlar.
AZƏRTAC xəbər verir ki, yenidən aparılan müayinələr zamanı normalara uyğun olan nəqliyyat vasitələri ekoloji emblemlərlə təmin olunmuş, normalara uyğun gəlməyən nəqliyyat vasitələrinə isə akt tərtib edilərək hər bir müəssisə üzrə yekun hesabat hazırlanmışdır.
Ekoloji müayinələrin nəticələrinə görə aparılmış təhlillər göstərmişdir ki, nəqliyyat vasitələrinin yeniləri ilə əvəz olunması və yanma sistemində olan nasazlıqlar aradan qaldırıldıqdan sonra atmosferə atılan zərərli qazların miqdarı ötən ilin müvafiq dövrü ilə müqayisədə kifayət qədər azalmışdır.
Bölmənin digər xəbərləri
