Ekologiya idarəsinin mütəxəssisləri telekörpü vasitəsilə “GGFR” təşkilatının idarəetmə komitəsinin iclasında iştirak etmişlər
Bakı, 26 sentyabr (AZƏRTAC). ABŞ-ın paytaxtı Vaşinqtonda Dünya Bankının Qlobal Qaz Yandırılmasının Azaldılması üzrə Tərəfdaşlıq Təşkilatının (GGFR) idarəetmə komitəsinin növbəti iclası keçirilmişdir.
İclasın əsas məqsədi qəbul olunmuş 4-cü faza fəaliyyətinin ölkələr üzrə planlarının müzakirəsindən ibarət olmuşdur.
AZƏRTAC xəbər verir ki, iclasın gedişini canlı izləmək məqsədi ilə Dünya Bankının Azərbaycandakı ofisində telekörpü yaradılmışdır.
Telekörpüdə müxtəlif qurumların əməkdaşları ilə yanaşı, Azərbaycan Respublikası Dövlət Neft Şirkətinin (ARDNŞ) ekologiya idarəsinin mütəxəssisləri də iştirak etmişlər.
Ekologiya idarəsinin nümayəndəsi Azərbaycan tərəfdən GGFR-in üzvü olan Dövlət Neft Şirkətinin 4-cü fazada planlaşdırılmış işləri haqqında iclas iştirakçılarına ətraflı məlumat vermişdir.
Bölmənin digər xəbərləri
