Ekologiya və təbii sərvətlər naziri beş rayonun sakinləri ilə görüşəcək
Bakı, 20 aprel, AZƏRTAC
Ekologiya və təbii sərvətlər naziri Hüseyn Bağırov aprelin 29-da saat 10:00-da Horadiz şəhərində yerləşən Heydər Əliyev Mərkəzində vətəndaşlarla görüşəcək.
Ekologiya və Təbii Sərvətlər Nazirliyinin (ETSN) mətbuat xidmətindən AZƏRTAC-a bildirilib ki, nazir Füzuli, Beyləqan, İmişli, Ağcabədi və Ağdam rayonları sakinlərinin müraciətlərini dinləyəcək, yerindəcə lazımi tədbirlər görüləcək.
Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, ETSN-in “168-Qaynar xətt”i ilə əlaqə saxlamaları, həmçinin 15 saylı ekologiya və təbii sərvətlər şöbəsinə (telefonlar: 026-315-52-57, 050-226-36-16, 050-663-32-42) müraciət etmələri xahiş olunur.
Bölmənin digər xəbərləri
