Ekologiya və Təbii Sərvətlər Naziri və müavinləri vətəndaşlarla görüşəcəklər
Bakı, 19 avqust, AZƏRTAC
Mərkəzi icra hakimiyyəti orqanları rəhbərlərinin və onların müavinlərinin şəhər və rayonlarda vətəndaşların qəbulu cədvəlinə əsasən avqustun 30-da Ekologiya və Təbii Sərvətlər naziri Muxtar Babayev Lənkəran və Astara rayonlarının sakinlərini qəbul edəcək.
Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumata görə, elə həmin gün nazir müavinləri Firdovsi Əliyev Lerik, Rauf Hacıyev isə Masallı şəhərində vətəndaşlarla görüşəcəklər.
Vətəndaşların qəbulu saat 10:00-da Lənkəran şəhərindəki Heydər Əliyev Mərkəzində (ünvan: Lənkəran şəhəri Ş.Axundov küçəsi), Lerik Şəhər Mədəniyyət Evində (ünvan: Lerik şəhəri Arzuman Əsədullayev küçəsi 22), Masallı Regional Meşə Təsərrüfatı Mərkəzinin inzibati binasında (ünvan: Masallı şəhəri, Həzi Aslanov küçəsi 4) keçiriləcək.
Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, nazirliyin 168 saylı “Qaynar xətt”i, həmçinin 1 saylı Regional Ekologiya və Təbii Sərvətlər İdarəsi (ünvan: Lənkəran şəhəri, Paşa Təhməzov küçəsi 8) ilə əlaqə saxlamaları (əlaqə telefonları: 050-369-20-77, 050-275-37-75, 012-585-50-73) xahiş olunur.
Bölmənin digər xəbərləri
