EKOLOQ JURNALİSTLƏR ÜÇÜN SEMİNAR-MƏŞĞƏLƏ BAŞA ÇATMIŞDIR

04.11.2006 [22:38]
Çap et
A⁺ A^-

AZƏRTAC xəbər verir ki, ATƏT-in Bakı ofisinin Yekaterinburq Teleradio Jurnalistlərinin Təhsil Mərkəzi ilə birlikdə təşkil etdiyi ekoloq jurnalistlər üçün seminar-məşğələ noyabrın 4-də başa çatmışdır. Seminardan məqsəd ekoloji məsələləri işıqlandıran jurnalistlərin imkanlarını genişləndirmək, onların məlumatlılığını artırmaq idi.

Seminarın təşkilatçılarının fikrincə, ekoloji problemlərin həllinə meyilli cəmiyyətin yaradılmasında kütləvi informasiya vasitələrinin rolu böyükdür. Ona görə də cəmiyyətin ekoloji problemlərin həllində lazımi səviyyədə iştirakına nail olmaqda jurnalistlərin məlumatlılığının artırılması vacibdir.

Seminar iştirakçıları “KİV-lərdə ekoloji problemlər”, “İnformasiya mənbələri və onun toplanması üsulları”, “Ekoloji mövzuda materialların forma və janrları” və sair mövzular üzərində işləmişlər.

EKOLOQ JURNALİSTLƏR ÜÇÜN SEMİNAR-MƏŞĞƏLƏ BAŞA ÇATMIŞDIR

MÜƏLLİFLƏ ƏLAQƏ

Bölmənin digər xəbərləri