“EKSON”NUN QAÇQIN UŞAQLARINA YENİ HƏDİYYƏSİ
“Ekson Azərbaycan” şirkəti “Ayna Mətbu Evi”nin dəstəyi ilə “Uşaq ensiklopediyası”nın Azərbaycan dilində latın qrafikası ilə daha üç cildini nəşr etmişdir. Yeni cildlər “Neft”, “Elm” və “İnformasiya texnologiyaları” mövzularına həsr olunmuşdur.
“Ekson Azərbaycan” Beynəlxalq Qırmızı Xaç və Qırmızı Aypara Cəmiyyətləri Federasiyası və Azərbaycan Qırmızı Aypara Komitəsi ilə birgə Sabirabad, Biləsuvar və Saatlı rayonlarındakı qaçqın düşərgələrində yaşayan uşaqlara 4 mindən çox kitab paylamışdır.
Şirkətin baş meneceri Dryu Qudbred bildirmişdir ki, biz təhsil proqramlarını dəstəkləməyi, qaçqın və məcburi köçkünlərə yardım göstərməyi davam etdiririk. Şirkətin nəşr etdirdiyi “Uşaq ensiklopediyası” sosial sahəyə sərmayə qoyuluşu proqramının əsas cəhətidir.
Ensiklopediyanın ilk on cildi “Təbiət”, “Tarix”, “Ekologiya”, “İdman”, “Teatr və kino”,”Musiqi” və digər mövzulara həsr olunmuşdur. Mətnləri və illüstrasiyaları peşəkar Azərbaycan yazıçıları, rəssamları və alimləri hazırlamışlar. “Ekson Azərbaycan” şirkəti 1999-cu ildən bəri qaçqın düşərgələrindəki uşaqlara, habelə ölkənin bütün məktəblərinə və kitabxanalarına minlərlə kitab paylamışdır.
Uşaqlara şirkətin dəstəyi ilə nəşr edilmiş “Rənglər və nağıllar” kitabının iki yüzdən çox nüsxəsini də bağışlanmışdır.
Bölmənin digər xəbərləri
