EL XANƏNDƏSİNİN YUBİLEYİ QEYD EDİLMİŞDİR

28.10.2003 [17:45]
Çap et
A⁺ A^-

Göyçayda yaşayan və el şənliklərini, toy məclislərini könül oxşayan muğam və mahnılarıyla bəzəyən Səməndər Məmmədovun 65 illiyi qeyd olunmuşdur. İcra hakimiyyətinin başçısı Nazim İsmayılov bu münasibətlə təşkil edilmiş “Muğam gecəsi”ni açaraq, istedadlı el sənətkarının yaradıcılığından, muğam və xalq mahnılarımızın təbliğində xidmətlərindən danışmışdır.

Yubiley tədbirinə gəlmiş qonşu rayonların musiqiçiləri “Azərbaycan nəğmələri” adlı mahnı çələngi təqdim etmişlər.

El xanəndəsinə rayon icra hakimiyyətinin fəxri fərmanı, pul mükafatı, habelə idarə və müəssisələr tərəfindən qiymətli hədiyyələr verilmişdir.

Səməndər Məmmədov onun yaradıcılığına verdikləri qiymətə görə gecənin təşkilatçılarına və iştirakçılarına təşəkkürünü bildirmişdir.