“Elektron hökumət”lə bağlı suallar “Skype” vasitəsilə də cavablandırılacaqdır
Bakı, 19 noyabr (AZƏRTAC). Vətəndaşların “Elektron hökumət” portalı ilə ünsiyyət imkanı genişlənmişdir.
AZƏRTAC xəbər verir ki, portalın rəsmi “Skype” ünvanı (e-gov.az1) istifadəçilərin ixtiyarına verilmişdir. Vətəndaşlar suallarını sözügedən proqram vasitəsilə asanlıqla portala ünvanlaya bilərlər. Müraciət edənlərin sualları operativ şəkildə cavablandırılacaqdır.
“Elektron hökumət” müasir informasiya texnologiyalarından istifadə etməklə dövlət qurumları tərəfindən Azərbaycanda yaşayan bütün vətəndaşlara, hüquqi və fiziki şəxslərə, xarici vətəndaşlara və vətəndaşlığı olmayan şəxslərə informasiya və e-xidmətlərin göstərilməsinə şərait yaradır.
Bölmənin digər xəbərləri
