Elmin İnkişafı Fondu süni intellektlə maraqlananlar üçün onlayn görüş təşkil edəcək
Bakı, 23 avqust, AZƏRTAC
Azərbaycan Respublikasının Prezidenti yanında Elmin İnkişafı Fondu süni intellekt (Artificial intelligence powering 5G_6G Road) ilə maraqlananları onlayn görüşə dəvət edir.
Fonddan AZƏRTAC-a bildirilib ki, sentyabrın 1-də təşkil olunacaq onlayn görüşdə spiker Muthanna Ammar Saleh Ali iştirakçılara təhsilin, tibbin keyfiyyətini dəyişdirəcək və iqtisadiyyatın demək olar, bütün sahələrində əmək məhsuldarlığını kökündən artıracaq yeni imkanlar haqqında danışacaq.
“Zoom” proqramı vasitəsilə keçiriləcək görüşdə iştirak ödənişsizdir. İştirak üçün link vasitəsilə qeydiyyatdan keçmək kifayətdir. Görüşə qoşulmaq üçün qeydiyyatdan keçənlərə link göndəriləcək.
Qeyd edək ki, spiker Muthanna Ammar Saleh Ali Simsiz 5G Şəbəkələrinin Modelləşdirilməsi Elmi Mərkəzinin direktoru vəzifəsində çalışır.
Bölmənin digər xəbərləri
