ELNUR MƏMMƏDLİ VƏ RAMİLƏ YUSUBOVA AVROPA ÇEMPİONATINDA ÇIXIŞLARINI BAŞA VURMUŞLAR

13.04.2008 [00:03]
Çap et
A⁺ A^-

AZƏRTAC xəbər verir ki, Lissabonda cüdo üzrə Avropa çempionatı davam edir.

Yarışların ikinci günü tatami üzərinə Azərbaycanın üç cüdoçusu çıxmışdır. Elnur Məmmədli (73 kq) ilk görüşdə Serbiya təmsilçisi İlija Vukotiçə qalib gəlsə də, növbəti mərhələdə fransalı Daniyel Fernandesə məğlub olaraq mübarizəni dayandırmışdır. Mehman Əzizov (81 kq) isə elə ilk görüşdə Polşa cüdoçusu Robert Krojekə uduzmuşdur.

Qadınların yarışında Ramilə Yusubova bir mərhələ adlaya bilmişdir. Bosniya və Herseqovina idmançısı Dea Milyetiçə qalib gələn Azərbaycan cüdoçusu, növbəti görüşdə Sara Klarka (Böyük Britaniya) məğlub olaraq mübarizəni dayandırmışdır.

Aprelin 13-də daha 2 cüdoçumuz mübarizəyə qoşulacaqdır.