“Əmək bazarı” İşçi qrupunun növbəti iclası olub
Bakı, 9 iyul, AZƏRTAC
Biznes mühiti və beynəlxalq reytinqlər üzrə Komissiyanın Əmək və Əhalinin Sosial Müdafiəsi Nazirliyinin (ƏƏSMN) rəhbərlik etdiyi “Əmək bazarı” İşçi qrupunun növbəti iclası keçirilib.
Bu barədə AZƏRTAC-a ƏƏSMN-in İctimaiyyətlə əlaqələr şöbəsindən məlumat verilib.
Bildirilib ki, iclasda İşçi qrupunun rəhbəri, əmək və əhalinin sosial müdafiəsi nazirinin müavini Zaur Əliyev, Komissiyanın Katibliyinin rəhbəri, Prezident Administrasiyasının sektor müdiri Vüsal Şıxəliyev və İşçi qrupunda təmsil olunan hökumət və qeyri-hökumət qurumlarının nümayəndələri iştirak ediblər.
İclasda İşçi qrupun Fəaliyyət Planına daxil olan İqtisadi Azadlıq İndeksi və Qlobal İstedad Rəqabətliliyi İndeksinin yekun nəşrlərinə dair təqdimatlar edilib. Həmin indekslər üzrə əmək bazarı ilə bağlı indikatorlar və ölkəmizin göstəriciləri barədə məlumat verilib.
Görüşdə əmək bazarının inkişaf etdirilməsi, əmək qanunvericiliyinin təkmilləşdirilməsi, işçi qüvvəsinin bacarıqlarının artırılması və məşğulluq imkanlarının daha da genişləndirilməsi istiqamətində görülən işlər və qarşıda duran vəzifələr müzakirə olunub.
Bölmənin digər xəbərləri
