“Ən yaxşı sosial çarx” müsabiqəsinin qalibləri mükafatlandırılacaqlar
Bakı, 18 noyabr (AZƏRTAC). Noyabrın 19-da “28 Mall” Ticarət və Əyləncə Mərkəzində Azərbaycan Respublikasının Prezidenti yanında Gənclər Fondunun gənclər arasında keçirdiyi “Ən yaxşı sosial çarx” müsabiqəsinin qalibləri mükafatlandırılacaqlar.
Fondun mətbuat xidmətindən AZƏRTAC-a bildirmişlər ki, müsabiqəyə ağ-qara və yaxud rəngli, 3 (üç) dəqiqəyə qədər çəkilmiş çarxlar təqdim olunmuşdur. Münsiflər heyəti tərəfindən sosial çarxlar izlənilmiş və qiymətləndirilmişdir.
Müsabiqə üzrə 1-ci yer üçün 2000 manat, 2-ci yer üçün 1500 manat, 3-cü yer üçün isə 1000 manat məbləğində pul mükafatı veriləcəkdir.
Mərasimdə, həmçinin ən yaxşı çarxlar nümayiş olunacaqdır.
Bölmənin digər xəbərləri
