ERMƏNİLƏRİN NİYYƏTİ PUÇA ÇIXDI
Rejissor Atom Eqoyan tərəfindən qondarma “soyqırımı” mövzusunda Kanada studiyalarında çəkilən və təbliğat baxımından böyük ümid bəslənilən “Ararat” bədii filmi erməniləri məyus etmişdir.
Diasporun və türk əleyhdarlarının maddi dəstəyi ilə çəkilən filmin Kann festivalında mükafat alacağına ümid bəsləyən ermənilər sonra onu beynəlxalq festivallarda nümayiş etdirərək Oskara namizəd göstərmək niyyətində idilər. Əsas məqsəd isə beynəlxalq ictimaiyyətin diqqətini bir daha uydurma “soyqırımı” yalanlarına cəlb edərək, Azərbaycan əleyhinə işğalçı siyasətə və Türkiyəyə qarşı iddialara dəstək tapmaq idi. Lakin Kann festivalının münsiflər heyəti ermənilərin bu məkrli planlarını puça çıxardı. Filim həm mövzu, həm də bədii ifadə baxımından zəif olduğu üçün müsabiqədə yer alacaq əsərlərin siyahısına salınmadı. Erməni diasporunun və lobbilərinin bütün təzyiqləri, filmin reklam kampaniyasına çəkilən böyük xərc əbəs oldu. Film hətta nümayiş etdiriləcək əsərlərin sırasına da düşmədi.
Tural Rzayev
AZƏRTAC-ın xüsusi müxbiri
Ankara
Bölmənin digər xəbərləri
