Ermənistanın Azərbaycana hərbi təcavüzü dünyada sülhə, sabitliyə təhdiddir

25.12.2015 [14:51]
Çap et
A⁺ A^-

Bu fikir TDƏŞ-in Ağsaqqallar Şurasının iclasında səsləndirilib

İstanbul, 25 dekabr, AZƏRTAC

Türkdilli Dövlətlərin Əməkdaşlıq Şurası (TDƏŞ) Ağsaqqallar Şurasının İstanbulda keçirilən X toplantısında Türkiyə Böyük Millət Məclisinin deputatı Mustafa İsen Azərbaycan ərazisinin iyirmi faizinin Ermənistan silahlı qüvvələrinin işğalı altında qalmasının yolverilməz olduğunu bildirib. O, Ermənistanın işğalçılıq siyasətinin beynəlxalq hüququn prinsiplərinə zidd olduğunu vurğulayıb.

Azərbaycan Ağsaqqallar Şurasının sədri, Milli Məclisin deputatı Fəttah Heydərov çıxışında Azərbaycan torpaqlarının iyirmi faizinin Ermənistan tərəfindən işğal edilməsi nəticəsində bir milyondan çox insanın qaçqın və məcburi köçkün vəziyyətinə düşdüyünü diqqətə çatdırıb. Bildirib ki, Azərbaycan münaqişənin sülh yolu ilə və beynəlxalq hüququn normaları çərçivəsində həllinə çalışsa da, Ermənistan beynəlxalq hüququn normalarına məhəl qoymur.

Çıxışlarda vurğulanıb ki, Ermənistanın Azərbaycana qarşı hərbi təcavüzü dünyada sülhə, sabitliyə və ümumi inkişafa təhdiddir.

Sabir Şahtaxtı

AZƏRTAC-ın xüsusi müxbiri

İstanbul