Estoniyada yaşayan ağdamlıdan təsirli sözlər
Bakı, 20 noyabr, AZƏRTAC
Diasporla İş üzrə Dövlət Komitəsinin xəttilə hazırlanan və jurnalist Vəsilə Vahidqızının müəllifi olduğu “Vətən uzaqda deyil” proqramının yaradıcı heyəti Estoniyaya səfər edib və Tallinndə yaşayan ağdamlı Günay Lejneva ilə görüşüb.
Dövlət Komitəsindən AZƏRTAC-a bildirilib ki, estonla evlənib bu ölkəyə köçən, iş qadını olan G. Lejneva doğma yurdu Ağdamla bağlı uşaqlıq xatirələrini bölüşüb və göz yaşlarına hakim ola bilməyib. Qeyd edək ki, verilişdə xaricdə yaşayan əslən Qarabağdan olan soydaşlarımızın fəaliyyətinə geniş yer ayrılır. Yaxın vaxtlarda Ağdama səfər etmək niyyətində olan Günay Lejneva ilə müsahibəni- “Vətən uzaqda deyil” proqramının Estoniyadan hazırlanan xüsusi buraxılışını aşağıdakı linkdə izləmək olar.
Bölmənin digər xəbərləri
