Tovuz rayonunun fermerləri 2003-cü ildə 25288 ton taxıl istehsal etmişlər. AZƏRTAC-ın bölgə müxbiri xəbər verir ki, taxılçılar növbəti ilin bol məhsulunun əsasını qoymaq üçün əlverişli keçən hava şəraitindən bacarıqla istifadə edərək indiyədək 7400 hektar sahədə payız şumu aparmışlar ki, bu da ötən ilin müvafiq dövründəkinə nisbətən 400 hektar çoxdur. İndiyədək rayonun taxılçıları 6340 hektar sahədə səpin aparmışlar. Rayonda şum və taxıl səpini davam edir. Fermerlər keçən ildəkindən artıq məhsul götürmək əzmindədirlər.