FHN: Ötən sutka ərzində 7 nəfər xilas edilib
Bakı, 1 noyabr, AZƏRTAC
Ötən sutka Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən 7 halda yanğına çıxış, 5 halda köməksiz vəziyyətdə qalma və 2 intihara cəhd faktı üzrə qəza-xilasetmə əməliyyatları həyata keçirilib.
FHN-in mətbuat xidmətindən AZƏRTAC-a bildiriblər ki, görülmüş təcili və təxirəsalınmaz tədbirlər nəticəsində yanğınlar operativ qaydada söndürülüb, insanların həyatı xilas olunub. Sutka ərzində FHN-in qüvvələri tərəfindən 7 nəfər, o cümlədən paytaxtın Yasamal rayonunda və Sumqayıtda intihara cəhd edən iki nəfər xilas olunub. Həmçinin Yuxarı Qarabağ kanalının Bərdə rayonunun Həsənli kəndi ərazisindən keçən hissəsində aşkar edilən bir nəfərin meyiti sudan çıxarılaraq aidiyyəti üzrə təhvil verilib.
Nazirlik əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
Bölmənin digər xəbərləri
