FHN təhsil müəssisələrində maarifləndirmə tədbirləri keçirib
Bakı, 17 fevral, AZƏRTAC
Fövqəladə Hallar Nazirliyinin (FHN) aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib.
Bu barədə AZƏRTAC-a FHN-in İctimaiyyətlə əlaqə idarəsindən məlumat verilib.
Bildirilib ki, FHN-in Dövlət Yanğın Nəzarəti, Kiçikhəcmli Gəmilərə Nəzarət və Sularda Xilasetmə Dövlət xidmətlərinin mütəxəssislərinin də iştirakı ilə Bakı Regional Mərkəzi (RM) tərəfindən Suraxanı rayonu E.Qaranzadə adına 270 nömrəli tam orta məktəbində, Qaradağ rayonu Daşqın Bəkirov adına körpələr evi-uşaq bağçasında, Xətai rayonu Zığ sağlamlıq mərkəzində və Nərimanov rayonu “Tərəqqi” texniki-humanitar liseyində, Sumqayıt RM tərəfindən Sumqayıt şəhər 57 nömrəli körpələr evi-uşaq bağçasında, Qobustan kənd tam orta ümumi təhsil məktəbində, Sumqayıt Bələdiyyəsinin 8-ci məhəllə üzrə 1 saylı məhəllə komitəsində, Sumqayıt Dünya Məktəbində, Azərbaycan Yerüstü Nəqliyyat Agentliyinin Sumqayıt Regional İdarəsində və Abşeron rayonu Digah qəsəbə 6 saylı uşaq bağçasında, Cənub RM tərəfindən Lənkəran şəhər A.Məhərrəmov adına 7 nömrəli tam orta məktəbində və Əmək və Əhalinin Sosial Müdafiəsi Nazirliyinin Sosial Xidmətlər Agentliyinin Lənkəran-Astara regional filialında, Şimal-qərb RM tərəfindən Oğuz rayonu E. Haşımov adına Dəymədərə kənd və A. Əliyev adına Padar kənd tam orta məktəblərində, Aran RM tərəfindən Yevlax rayonu Aşağı Bucaq kənd inzibati ərazi dairəsi üzrə nümayəndəliyinin inzibati binasında işləməyən əhali ilə və Mingəçevir şəhəri İnteqrasiya təlimli internat tipli Gimnaziyada, Şimal RM tərəfindən Siyəzən rayonu Balaca Həmyə kənd tam orta məktəbində, Gəncə RM tərəfindən Gəncə şəhər 10 və 18 nömrəli körpələr evi-uşaq bağçalarında və Qarabağ RM tərəfindən Füzuli rayonu Balabəhmənli kənd tam orta məktəbində maarifləndirmə tədbirləri keçirilib.
Tədbirlərin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub.
Tədbirlərdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğın və zəlzələ ilə bağlı zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub və ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
Bölmənin digər xəbərləri
