FIFA Argentina millisinin futbolçularına verilən cəzaları yüngülləşdirib
Bakı, 28 avqust, AZƏRTAC
FIFA Argentina millisinin futbolçuları Leandro Paredes və Nahuel Molinanın cəzalarını hazırlıq matçlarında çəkməsinə icazə verib.
AZƏRTAC “Goal”a istinadən xəbər verir ki, oyunçular 2026-cı il dünya çempionatının finalından sonra baş verən insidentə görə cəzalandırılıblar. Paredes 10, Molina isə 7 oyunluq cəza alıb. Onlar cəzalarını milli komandanın yoldaşlıq görüşlərində çəkə biləcəklər.
Argentina Futbol Assosiasiyası bununla bağlı FIFA-ya müraciət edib. FIFA-nın İntizam Komitəsi müraciəti qəbul edib. Bununla yanaşı, Argentina Futbol Assosiasiyası qərarlara etiraz etməyə hazırlaşır. Qurum FIFA-nın Apellyasiya Komitəsinə müraciət edəcək. Zərurət yaranacağı halda məsələ İdman Arbitraj Məhkəməsinə (CAS) çıxarıla bilər.
Xatırladaq ki, Argentina mundialın finalında İspaniyaya 0:1 hesabı ilə uduzub.
Bölmənin digər xəbərləri
