FIFA-nın “The Best” mükafatının təqdimetmə mərasimi dekabrda keçiriləcək
Bakı, 21 noyabr, AZƏRTAC
FIFA-nın “The Best” mükafatının təqdimetmə mərasimi dekabrın 17-də keçiriləcək.
AZƏRTAC FIFA-nın rəsmi saytına istinadla xəbər verir ki, koronavirus pandemiyası səbəbindən tədbir ilk dəfə onlayn təşkil ediləcək.
Qeyd edək ki, tədbirdə ən yaxşı kişi və qadın futbolçular, həmçinin baş məşqçilərin adına aydınlıq gələcək. Bununla yanaşı, ən yaxşı kişi və qadın qapıçılar, eləcə də, "Feyr pley" mükafatının və ən yaxşı qolun sahibi müəyyənləşəcək.
Səsvermə noyabrın 25-dən dekabrın 9-dək keçiriləcək.
Bölmənin digər xəbərləri
