FİLİPPİNDƏ TORPAQ SÜRÜŞMƏLƏRİNDƏN 100-DƏK İNSAN HƏLAK OLMUŞDUR
AZƏRTAC-ın xarici informasiya agentliklərindən aldığı xəbərə görə, Filippinin cənubunda güclü torpaq sürüşmələri nəticəsində 100-dək adam ölmüş, onlarca insan yaralanmışdır. 83 nəfər itkin düşmüşdür. Hökumət xilasetmə işlərinin aparılması üçün ordu bölmələrinin köməyindən istifadə edir. Fəlakət zonasından bir neçə yüz adam köçürülmüşdür.
Son bir həftə ərzində səngimək bilməyən leysan yağışlarının törətdiyi sellər axını sakinlərinin əksəriyyəti hələ yuxuda olan kiçik San-Fransisko və Liloan şəhərlərinə böyük ziyan vurmuşdur. Onlarca ev yerlə-yeksan olmuşdur.
Sinoptiklərin məlumatına görə, leysan yağışları hələ altı gün davam edəcəkdir.
Bölmənin digər xəbərləri
