FİLMDƏ AZƏRBAYCANLILAR DA TƏMSİL OLUNUB
Bu günlərdə İtaliya sənədli film yaradıcılarının bir qrupu Qazaxıstanda ezamiyyətdə olmuş, burada yaşayan xalqların həyatı, məişəti, təhsili, incəsənəti, yaşayış tərzi, milli mədəni irsə bağlılığı mövzusunda musiqili sənədli film çəkmişlər. Sənədli filmdə Qazaxıstanda yaşayan azərbaycanlılara da geniş yer verilmişdir.
Filmdə Almatıdakı “Turan” konqresinin sədri Müseyib Novruzov ölkədə yaşayan tanınmış soydaşlarımız, repressiya edilmiş azərbaycanlılar haqqında məlumat vermiş, yerli azərbaycanlı müğənni Rafiq Eynalov “Daşlı qala” xalq mahnısını oxumuş, “Leyla” qızlar ansamblının üzvləri isə qədim Azərbaycan rəqsi ifa etmişlər.
Bu sənədli kino əsəri italyan dilində hazır olduqdan sonra Qazax və ingilis dillərinə dublyaj edilərək İtalyanın, Qazaxıstanın və bir sıra digər ölkələrin telekanalları ilə nümayiş etdiriləcəkdir.
Qulu Kəngərli
AZƏRTAC-ın xüsusi müxbiri
Almatı
Bölmənin digər xəbərləri
