Fiziki məhdudiyyətli olmaq qurub-yaratmaq əzminə maneə deyil
Kəngərli, 30 noyabr, AZƏRTAC
Kəngərli rayonunda yaşayan sağlamlıq imkanları məhdud qadınların özünüməşğulluqlarının təmin edilməsi diqqətdə saxlanılır. Bu məqsədlə dekorativ-tətbiqi sənət sahəsinin bədii tikmə növü üzrə “Fiziki məhdudiyyətli olmaq qurub-yaratmaq əzminə maneə deyil” mövzusunda tədbir keçirilib.
AZƏRTAC-ın Naxçıvan bürosu xəbər verir ki, istedadlı qadın Səkinə Qarayeva sənətkarlıq sahəsi ilə bağlı tədbir iştirakçılarına ətraflı məlumat verib. Bildirilib ki, bədii tikmə üzrə kursların təşkili müvafiq kateqoriyadan olan qadınların qabiliyyət və bacarıqlarının aşkar edilməsi, asudə vaxtlarının səmərəli təşkili, rifah halının yüksəldilməsi, milli dəyərlərin təbliği baxımından əhəmiyyətlidir. Bu, onların yaradıcılıq əzmini daha da artırır, fəaliyyətlərinə stimul verir.
Sonra iştirakçılara bədii tikmənin incəlikləri öyrədilib.
Bölmənin digər xəbərləri
