“FORD” ŞİRKƏTİNİN ƏMƏKDAŞI LOTEREYA İLƏ 225 MİN DOLLAR UDMUŞDUR

08.11.2006 [14:57]
Çap et
A⁺ A^-

AZƏRTAC Si-En-En-ə istinadla xəbər verir ki, ABŞ-ın Corciya ştatının sakini Cerom Makinnis səhər zavoda gedərkən benzindoldurma stansiyasında lotereya bileti almışdır. Bu, Makinnisin “Ford” şirkətinin zavodunda 13 illik fəaliyyətinin sonuncu günü idi. Şirkət böhrandan çıxmaq üçün zavodu bağlamaq qərarına gəlmişdir. 2008-ci ildə Şimali Amerikada şirkətin 30 min əməkdaşı ixtisara düşəcəkdir. Amma Ceromun bəxti gətirmişdir, onun biletinə 225 min dollar məbləğində uduş düşmüşdür.

Bu, onu o qədər həyəcanlandırmışdır ki, o, avtomobilinə benzin doldurmağı da unutmuşdur. Cerom məbləğin bir hissəsini sərmayə kimi yatıracağını, qalan hissəsini isə maliyyə problemlərinin həllinə sərf edəcəyini söyləmişdir.

Xatırladaq ki, “Ford” ABŞ-da zavodlarını bağlasa da, xaricdə fəaliyyətini genişləndirir. Məsələn, “Ford Motor Komponi” Rusiyada yeni avtomobil modellərinin istehsalına 250 milyon dollar vəsait qoyacağını elan etmişdir.

“FORD” ŞİRKƏTİNİN ƏMƏKDAŞI LOTEREYA İLƏ 225 MİN DOLLAR UDMUŞDUR

MÜƏLLİFLƏ ƏLAQƏ

Bölmənin digər xəbərləri