Formula 1: İmolada yalnız bir məşq yürüşü keçiriləcək
Bakı, 4 avqust, AZƏRTAC
Formula 1 üzrə dünya çempionatının təşkilatçıları yürüş həftəsonlarının cədvəlini dərc ediblər.
AZƏRTAC xəbər verir ki, cədvələ görə, İmolada yalnız bir məşq yürüşünün keçirilməsi nəzərdə tutulub. Bundan əvvəl isə İmoladakı həftəsonunun cəmi 2 gün davam edəcəyi bildirilib. Komandalara cəmi 2 günün verilməsinin səbəbi isə logistika ilə əlaqədardır. Portimaodakı yarış cəmi bir həftə əvvəl baş tutacaq və oradan İmolaya 2 min 500 kilometr məsafə var. İtaliyaya getmək və boksları hazırlamaq üçün vaxt tələb olunur. Buna görə həftə sonu yalnız şənbə günü başlayacaq. Həmin gün bir saat yarımlıq yürüş yerli vaxtla saat 10:00-dan 11:30-dək keçiriləcək.
Noyabrın 1-nə planlaşdırılan yarış bazar günü yerli vaxtla 13:10-da başlayacaq.
Tras sonuncu dəfə 2006-cı ildə Formula 1 yarışlarına ev sahibliyi edib.
Bölmənin digər xəbərləri
