Formula 1 Rusiya Qran-Prisinin iştirakçıları üçün viza ödənişsiz olacaq
Bakı, 26 avqust, AZƏRTAC
Rusiyanın Baş Naziri Mixail Mişustin sentyabrın 24-27-də Soçidə keçiriləcək Formula 1 mərhələsinə hazırlıqla bağlı sərəncam imzalayıb.
AZƏRTAC Rusiya mətbuatına istinadla bildirir ki, Formula 1 Rusiya Qran-Prisində iştirak edənlər ödənişsiz vizalar almaqla bu ölkənin ərazisinə sərbəst daxil ola biləcəklər.
Bu prosedur avqustun 21-dən 31-dək etibarlıdır. Viza müraciətlərinə təşkilat komitəsi vasitəsilə baxılır. Sadələşdirilmiş rejim pilotlara, işçilərə, təşkilatçılara, fəxri qonaqlara və jurnalistlərə şamil olunur.
Bölmənin digər xəbərləri
