Formula 1 yarışında çıxış etmiş “Lola Cars” şirkəti satışa çıxarılıb
Bakı, 11 yanvar, AZƏRTAC
Məşhur konstruktor və müxtəlif dərəcəli idman avtomobillərinin istehsalçısı İngiltərənin “Lola Cars” şirkəti satışa çıxarılıb.
AZƏRTAC xəbər verir ki, 1962-1993-cü illərdə Formula 1 yarışlarına da fasilələrlə qatılan şirkət bütün istehsal vasitələri ilə birlikdə satılır. Şirkət markasının uzun tarixi də nəzərə alınmaqla başlanğıc qiyməti, təxminən 9 milyon dollar qoyulub.
“Lola Cars”ın əsası onu 1997-ci ilə qədər idarə edən Erik Brodli tərəfindən 1958-ci ildə qoyulub. Sonradan sahibi dəyişən şirkət, nəhayət 2012-ci ildə fəaliyyətini nəhayət dayandırıb. Ümumilikdə, şirkət Formula 1, IndyCar, Formula Ford və s. yarışlarda iştirak edib.
Bölmənin digər xəbərləri
