Formula 3: Sofiya Flerş Belçika Qran-Prisində iştirak etməyəcək
Bakı, 21 avqust, AZƏRTAC
Formula 3-ün yeganə qadın təmsilçisi Sofiya Flerş avqustun 28-dən 30-dək Belçikanın “Spa-Frankorşam” trasında keçiriləcək növbəti mərhələdə iştirak etməyəcək.
AZƏRTAC xəbər verir ki, almaniyalı pilot bu həftə sonu Fransanın “Pol Rikar” trasında keçiriləcək “European Le Mans Series” mövsümünün üçüncü mərhələsində mübarizə aparacaq.
S.Flerş Formula 3 mərhələləri ilə üst-üstə düşdüyü üçün artıq “European Le Mans Series” mövsümünün iki yarışını buraxmalı olub. “Richard Mille Racing” komandası isə S.Flerşin yarışda iştirak etməsini istəyir. Bu, “24 saat Le-Man”dan əvvəl yürüşdə iştirak etmək üçün son fürsət olacaq. “Spa-Frankorşam” trasında keçiriləcək yarışda S.Flerşi kimin əvəz edəcəyi hələ məlum deyil.
Bu mövsüm almaniyalı pilot bir xal belə qazanmayıb. O, fərdi yarışda 29-cu yeri tutur.
Bölmənin digər xəbərləri
