FRANSA HÖKUMƏTİ “İSLAM İRAQ ORDUSU”NUN ULTİMATUMUNU RƏDD ETMİŞDİR

30.08.2004 [22:43]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, Fransa hökuməti iki fransız jurnalisti cirov götürmüş “İslam İraq ordusu”nun irəli sürdüyü ultimatumu rədd etmişdir. İslamçılar Fransadan dini rəmzlərin qadağan olunması barədə cari ilin yazında qəbul edilmiş və bu həftə qüvvəyə minəcək qanunun təcili surətdə ləğvini tələb edir.

“Radio France İnternational” dövlət radiosunda işləyən jurnalist Kristian Şesno və “Le Fiqaro” qəzetinin xüsusi müxbiri Jorj Malbrüno bu il avqustun 20-də İraqda itkin düşmüşdülər.

Avqustun 28-də axşam Qətərin “Əl-Cəzirə” telekanalının göstərdiyi iki qısa videolentdə girov götürülmüş fransız jurnalistlər xəbər vermişlər ki, onları “İslam İraq ordusu” təşkilatı ələ keçirmişdir. Tələbləri yerinə yetirilmədiyi təqdirdə terrorçular jurnalistləri 48 saat ərzində qətlə yetirəcəkləri ilə hədələyirlər.

Lakin Fransada ictimai rəy qanun layihəsini birmənalı şəkildə dəstəkləmək əhval-ruhiyyəsindədir. Fransa hökuməti girov götürülmüş jurnalistləri azad etmək üçün əlindən gələni edir. Lakin islamçıların hədə-qorxuları Parisi məktəblərdə dini rəmzlərdən istifadə etmək barədə qanuna yenidən baxmağa vadar edə bilməmişdir.

FRANSA HÖKUMƏTİ “İSLAM İRAQ ORDUSU”NUN ULTİMATUMUNU RƏDD ETMİŞDİR

MÜƏLLİFLƏ ƏLAQƏ

Bölmənin digər xəbərləri