FRANSA TƏLƏBƏLƏRİ “RƏNGLİ İNQİLAB”A ÇAĞIRIRLAR
Tələbələr 16 saat ərzində hökumətlə qarşıdurmada öz fəaliyyət planlarını müəyyənləşdirməyə çalışmışlar. İrəli sürülən təkliflərdən biri hazırkı hakimiyyətin rəmzlərini - parlamentin və hökumətin binalarını mühasirəyə almaqla kabineti devirməkdən ibarət olmuşdur. Tələbələr Ukraynada “narıncı inqilabı” nümunə gətirmişlər. Universitetləri və məktəbləri mühasirəyə alan tələbə və şagirdləri dəstəkləmək üçün iri mağazalarda malların müsadirə olunması təklifi də səslənmişdir.
Hələlik bu təkliflər hərəkat iştirakçılarının əksəriyyəti tərəfindən dəstəklənmir, lakin tələbələr arasında radikal və ekstremist ünsürlərin sayı günbəgün artır. Onlar Fransanın iri şəhərlərinin yoxsullar yaşayan məhəllələrinə gedərək, ötən ilin noyabrında əsil üsyanın təşəbbüskarları olan etnik gənclərlə birləşməyi təklif edirlər.
