Fransada Azərbaycanın Dostları Assosiasiyası Novruz Məmmədovun Azərbaycanın Baş naziri təyin edilməsini məmnunluqla qarşılayıb
Bakı, 24 aprel, AZƏRTAC
Fransada Azərbaycanın Dostları Assosiasiyası Novruz Məmmədovun Azərbaycan Respublikasının Baş naziri təyin edilməsi ilə bağlı açıqlama yayıb. Bu barədə AZƏRTAC-a assosiasiyadan məlumat verilib.
Açıqlamada bildirilir ki, assosiasiya Azərbaycanın Baş naziri vəzifəsinə Novruz Məmmədovun təyinatı xəbərini məmnunluqla qarşıladı. Novruz Məmmədov Fransanın yaxın dostudur, fransız dili üzrə mütəxəssisdir. O, 1998-ci ildə ovaxtkı Prezident Jak Şirak tərəfindən Şərəf Legionu Ordeni ilə təltif edilib. Prezident İlham Əliyevin sadiq tərəfdaşı, beynəlxalq münasibətlərin nəzəri və praktik bilicisi olan Novruz Məmmədovun Baş nazir təyin edilməsi Azərbaycan üçün, xüsusilə də Fransa-Azərbaycan münasibətləri baxımından əhəmiyyətli hadisədir.
Azərbaycanın Dostları Assosiasiyasının prezidenti Jan-Fransua Mansel, vitse-prezidentləri Jan Pier Allali, Hedva Ser, Pier Tilloy və qurumun İdarə Heyətinin üzvləri Baş nazir Novruz Məmmədova təbriklərini çatdırır, yeni vəzifəsində ona uğurlar arzulayırlar.
Bölmənin digər xəbərləri
